ان شاء الله انشووفك على طووووول على صفحااات المنتدى مو بس في كرسي الاعتراف
>>>>>>>>>> شنوووو هذي ضربه
مبروووووووووووووووك اختي حوراء على الجلوس
الله يبارك فيك عقبالك >>>>>>> اشدعووة زواج خخخخخخخخخخخ
وانشاء الله مرتاحه في كرسي الاعتراف ؟
اييييه والله خووووش كرسي يبيلي ابوووووووووقه معااااي
>>>>>>> ابو طبيع ما يجووز عن طبعه
والحين غاليتي اليكِ بعض الاسئلة وان شاء الله ماأثقل
اتفضل لا اببببد خد راحتك ياهلا فيك اي وقت وان شاء الله ما تكون اخرراسئله لك معاي
>>>>>>> حشى لزززقه
1-بـكلمات بسيطه من هي حوراء ؟
بنسبه لي احب غيري يحكم علي ويقول رايه فيني مع اني اكره احد ينتقدني حتى لو كان اقرب الناس لي بس بحااول اقول لك نبذة تااااريخية عني >>>>>>حلوووووووة نبدة تاريخيه اقول لا تصدقي حااالج خخخخخخخخخخخخخخخخخخ
انا اعتبر حالي بسيطه جدا يعني اي حد ممكن ان يتعامل معاي بكل سهوله من غير اي تحفظ او رسميه حتى لو كاانت علاقتناااا محدوده احب الضحك والفرفشه احب احرك اي جوووو اكون فيه عصبيه الى حد كبير >>>>>> يعني لما تعصب ما تعرف اللي قدامهااا رجال او مراءة
الى ما تطمح حوراء ؟؟
ان يكون عندي مستقبل اكون فخورة فيه سواء في المجال العملي او العائلي
2 -هل يوجد مكان تعشقيه وتنسين فيه نفسك ؟
انااا احب البحر انسى نفسي واناااا جالسه عنده ياسلام بعد لووو حاطه لي مسيقه كلاسيكيه خلااااص ما ودي اقووم من هالمكان
>>>>>>>>ياعيني على الرومنسيه
3 -تمر علينا لحظات نحسب أن بعض المقربين لنا أصدقاء ،فنكتشف صدفة أنهم أعداء حقيقيون ... ما تعليقكِ على ذلك وهل وقعتِ يوماً في مثل هذا الأمر
>>>>>>> الله الله شنووو هالسؤال القوي تستعد للفلسفه خخخخخخخخخخ
من اقسى اللحظات انك تكتشف ان ثقتك با الاخرين كانت اكبر غلطة ارتكبتها في حياتك احاسيس مختلفه ممكن انهااا اتسيطر عليك يمكن اسف على الايام اللي راحت مع اشخاص كنت تعتبرهم اقرب ناس لك وطلعووو ابعد اشخاص عنك ويمكن نذم او تأنيب للنفس 00 بمعنى لو كنت اكثر حذر مع الاخرين كنت جنبت حالك هالمواقف انا واجهت مثل هالموقف في يوم من الايام اكتشفت ان الثقه المفرطه با الاخرين غلطه مومعنى كذه ان ما نوثق في احد 00 بمعنى ما تكون ثقتنا عمياء با الاشخاص على الاقل عشان ما نصير في قائمة المغفلين في يوم من الايام
4- نمر دوماً بمواقف صعبه واخرى حزينه وثالثة يغمرها الفرح ..فـمن الذي يظل حاضراً في ذاكرتكِ دائما
يمكن مافي مواقف معينه صارت لي بس بذكر لك اكثر شي صعب او حزين او يغمره الفرح بنسبه لي من المواقف الصعبه : انك تسمع بموت شخص كان اقرب الناس لك انا الحمدلله ما تعرضت الى هالموقف الله لا يحرمني من احبابي بس انا من النوع اللي اخاف من فراق الاحبه واحس ان اصعب شي ممكن ايمر علي
من المواقف الحزينه : اني احس ابفشل احيانا لاني ما قدرت الى الحين احقق ولو جزء من احلامي
من المواقف اللي يغمرها الفرح : اني اكثير اذكر حالي وانا صغيره لاني كنت مشاااغبه درجة اولى مافي مكان اتكون فيه حوراء ويظل مرتب او هادي
- ماهو الشئ الذي تتمنين لو تفقدين الذاكره كي تنسيه ذكرياتي في متوسط كااااانت كلهااااااا هووواش كانت ايام سووده بعيد عنك >>>>> ماتقدر ما تهاااااااوش تتعب نفسيا
6- متى تقف حوراء أمام نفسها و تقول: إلى هنا وSTOP ؟
لما اشوف شي يتنافى مع عااااداتي او تربيتي هناااا اقول stop
7-يقال بــ أن قلوبنا جميعها صعبة المنال..ويقالُ أيضاً بـــ أن القلب الذي يأسر ولا يؤسرأو ذاك الذي يملك ( بفتح الياء ) ولا يملك ( بضم الياء )هو مركز الإحساس وهو من يتألم فقط ! هذه مجرّد آرآء مفكرين ! فـــماهو هو رأي حوراء
>>>>>>>> رأيي في شنوووو عفر
بجاوب على حسب مافهمت
مثل ما ذكرت القلب هووو مركز الاحساس ولكل قلب مفتاح تقدر من خلاله توصل الى الحب والعشق والامل وتقدر في نفس الوقت تجرح او تنزف او تظلم يمكن ايكون صعب انك تحصل على مفتاح الدخول الى قلوب بعض الاشخاص و في المقابل اشخاص اخرين تقدر اقتحام قلوبهم بكل سهولة بس في رايي القلب اللي تحصل عليه بكل سهووله راح تتخلى عنه بعد بكل سهوله اما القلب اللي تتعب عشان توصل اليه اتكون اكثر شخص اتخاف وتحافظ عليه
8 مـاهـي كلمتـكِ الأخيــــره ومالذي تــودين ان تنقشــيه هنـا عبر صفحــات منتديـات همس الحراير لتبـــقــى لكِ ذكــرى لا تنمحـــي ولتبقــين انتِ معنـا بحروفـكِ ؟؟
بسم الله الرحمن الرحيم
>>>>>>>بتلقي خطبه خخخخخخخخخخخخخخخخخخ
اول شي الف شكر لك اخووووي على الاسئله الاكثر من رائعه سلمت وسلم قلمك المبدع واتمنى اشوف مشاركااتك اكثر على جدار منتداناااا وانشاء الله يزداد ازداهر المنتدى ابووووجووود احلى او اجمل اعضاء
تقبل خالص شكري
اختك ؛؛ حوراء ؛؛
مرهف الحس عـضو فاق الاعجـــاب
عدد الرسائل : 261 تاريخ التسجيل : 27/05/2008
موضوع: رد: ^%^حوراء على كرسي الاعتراف^&^ الثلاثاء أغسطس 19, 2008 12:20 pm
بسم الله الرحمن الرحيم السلام عليكم ورحمة الله وبركاته والصلاة السلام على الهادي الامين اولا/ مبرووووك على الكرسي ولو كانت متأخره ثانيا/ تفضلي اسألتي 1/ماهو مزاجك وأنتي تردي على اسألتي ؟ 2/طموح وقفتي عاجزه عن تحقيقه؟ 3/متى تشعرين بالوحده؟ 4/ايها اقرب الي نفسك المواجهه أم المجامله؟ 5/ماهو مفهومك للحياة؟ 6/لمن تقولي (اسفه -شكراً-أحبك-يجي منك اكثر-الله يسامحك) 7/بكلمه واحده فقط اكتبي تعريفاً لكل كلمه من الكلمات التاليه الوطن الأم الليل الحب الصمت امريكا المراه الانتر نت البوابه الماسنجر 8/كيف تتخيلي العالم بدون هذه الاشياء(القهوه-الكمبيوتر-الحب) 9/شيئ تحمدي الله عليه كثيراً ؟ واخيراً اتمنا اني ماكون ثقلت عليك تقبلي تحياتي
المشراني كنز من كنوز المنتدى
عدد الرسائل : 4460 العمر : 28 الموقع : وحيد في مكان واسع العمل/الترفيه : كرة قدم and مصارعة حرة المزاج : مستانس والحمد لله اللقب : تاريخ التسجيل : 21/09/2007
موضوع: رد: ^%^حوراء على كرسي الاعتراف^&^ الثلاثاء أغسطس 19, 2008 5:04 pm
hi
^
^
^
يسعد مساكم
و هذا اقل شيء
لتلك المبدعه حوراء
*
*
*
عندي جم سؤال و ياريت يكونون خفيفين عليج
1- ماأفضل شخصية كرتونيه لــ حوراء ..؟
2- من هو المثل الاعلى لــ حوراء..؟
3- فارس احلام حوراء ..؟
4- مارأي حوراء في شخصية المشراني ((في المنتدى))..؟
تحياتي _ولي رجعه_
زائر زائر
موضوع: رد: ^%^حوراء على كرسي الاعتراف^&^ الأربعاء أغسطس 20, 2008 12:30 am
هلااااااااااا والله خيوووووو مرهف الحس نورت صفحتي ابطلتك الحلووووة
ان شاء الله دوووم منور جميع صفحات المنتدى
بسم الله الرحمن الرحيم السلام عليكم ورحمة الله وبركاته والصلاة السلام على الهادي الامين
وعليكم السلام
اللهم صلي على محمد وال محمد
>>>>>>>> ويش رايك انصلي بعد ركعتين بالمرة خخخخخخخخخخخخخخخخخ
اولا/ مبرووووك على الكرسي ولو كانت متأخره
الله يبارك فيك عقبالك 00 اشدعوووة مقبوله منك اي وقت
ثانيا/ تفضلي اسألتي
ايزيد فضلك
1/ماهو مزاجك وأنتي تردي على اسألتي ؟
مرووووووووووووووقه ناقصني بس كوووب كافي
>>>>>>>>>>> متملله اتقوم اتسوي لهاااااااا تبي احد يتبرع لها بهل مهمه كالعاده
2/طموح وقفتي عاجزه عن تحقيقه؟
>>>>> قلبت عليها المواجع
اني اكمل دراستي وادخل التخصص اللي نفسي فيه بس مافي كراسي فاضيه بالجامعات يبيلي اتبرع لهم بكرسي الاعتراف خخخخخخخخخخخخخخخخخخخخخخ
3/متى تشعرين بالوحده؟
احيانا تتركم على الانسان هموم او متاعب اتكون خاصه فيه يمكن اللي حواليه ما يحس فيهااا ايعيش في صراع بينه او بين حاله ما يقدر يتواصل مع اقرب الناس له ايفضل ايكون منعزل عن الاخرين حتى في وجوده معاهم ايكون في عالم غير عالمهم اذا حسيت يوم اني ما اقدر اعبر عن اللي فيني الى احب الناس على قلبي بكون فعلا وحيدة
4/ايها اقرب الي نفسك المواجهه أم المجامله؟
انا في العادة احب اكون صريحة مع نفسي حتى في اخطائي او في نفس الوقت احب ايكون غيري صريح معاي احيانا المواجهة بحقيقة معينه تتعب بس بتكون دافع قوي عشان انصلح اخطائنا اما المجاملة بتخلينااا اندور في حلقة مفرغه ما اليها نهاية
5/ماهو مفهومك للحياة؟
الحياة : مشوار طويل انلاقي فيه عثرات ممكن اتوقفناااا عن تحقيق شي حلمنا فيه وتمنينا نوصل له بس انلاقي اشخاص اتساعدنا نتجاوز هالعثرات واحيانا انلاقي اشخاص اتغرقنا اكثر في اخطائنااا ويصير الحلم وهم نتذكره بحسرة اذا انتهت احلى لحظات حياتنا
اقول كلمة ااسفه الى كل شخص غلط عليه بقصد او من غير قصد
اقول بكل صدق عن جد انا اسفه
شكرا : اقولهااا الى امي او ابويي طبعا وكلمة شكر قليلة في حقهم الله يخليهم تاج فوق راسي ولا يحرمني منهم
أحبك : الى اغلى ناسي هديل الى احلى اخت في الدنيا رغد الى ارق او اجمل اخووو في العالم روميووو الى اصدق صديق المسموم الى اطيب قلب ملاك 00 الى اكثر شخص امطلع الشيب من راسي >>> اقووول او لا لمشراني الى جميع اعضاء منتدى همس الحراير احبكم
-يجي منك اكثر : الى مرهف الحس
>>>>>>>> حاقده عليه خخخخخخخخخخخخخخخخخخخخخخخ
الله يسامحك : وليف الشوق
>>>>>>>> شكلها ودها بهوشه
7/بكلمه واحده فقط اكتبي تعريفاً لكل كلمه من الكلمات التاليه
الوطن >>>>>>> الامان
الأم >>>>>> امي هي كل الحياة
>>>>>>>>> مو كأنها انشودة عطونا اياها في الروضه
الليل>>>>> لحظة سكون او تأمل
الحب >>>>> راحة للنفوس
الصمت >>>>>> يأتي الصمت حين يكون ابلغ من الكلمات
امريكا >>>>>>> الشيطان الاكبر
المراه >>>>>> نبحث فيها عن تفاصيل واضحة في دواخلنااا
الانتر نت >>>>>> الة صماء اصبحت تتدخل في كل ما يخص الانسان
البوابه >>>>>>> اختيار
الماسنجر >>>>>>> تواصل سريع بينك وبين العالم الخارجي
8/كيف تتخيلي العالم بدون هذه الاشياء(القهوه-الكمبيوتر-الحب)
القهوة : انا صج احب القهوووة بس لو تختفي من الحياة ماراح اتشكل اي أثر علي
الكمبيوتر : وي وي الله لا يقولها لو يختفي اضيع انا اقضي معظم وقت فراغي عليه
>>>>>>>>>> اقول لا يوقف قلبج ترى بعدك جالسه عليه ما ختفى
الحب : لو مافي حب اكيد بنعيش في غابة لانه الحب اقوى او اقدس رابطه بين اي زوج او زوجته بين الام او ابنائها الحب هووو اللي يولد داخلنا الاحساس با الامل والتفائل ويخلينا نتمسك بالحياة مهما كانت صعوبتها
9/شيئ تحمدي الله عليه كثيراً ؟
انا الحمدلله على طول اشكر ربي على وجود اهلي جنبي في كل مراحل حياتي او حب صديقاتي لي اوووو وعلى النعمة والصحة اللي موجوده عندي ويمكن غيري فاقدها او اكييد راح اشكره بعد على وجودي معاكم
واخيراً اتمنا اني ماكون ثقلت عليك
بالعكس خيووووووو اسئلتك كانت اكثر من رائعة استمتعت فيهاااا اكثير واتمنى من قلبي اتكرر زيارتك لي في كرسي الاعتراف الله يعطيك العافيه
تقبل خالص شكري
#### اختك حوراء ####
زائر زائر
موضوع: رد: ^%^حوراء على كرسي الاعتراف^&^ الأربعاء أغسطس 20, 2008 1:25 am
انااا احب جميع المسلسلات الكرتونيه القديمة بس اكثر شخصية امووووووووت عليهااااااااا هااااااااايدي ياحبي لهاااا فديتهاااا
>>>>> اشوى انهاااا شخصية كرتونيه والا كنتي ذبحتيهااا من هالحب
2- من هو المثل الاعلى لــ حوراء..؟
للحين جااااااااااري البحث : :مالقيت الشخص اللي يستحق اني اقول عنه مثلي الاعلى
المثل الاعلى في نظري هوووو الشخص اللي اخطائه قليلة او تجاربه واسعه في الحياة
>>>>>>>>> هذا وين اتلاقيه ياحظي يبيلك تستورديه من برى خخخخخخخخخخخخخخخخخخ
3- فارس احلام حوراء ..؟
اقول موواصفات فارس احلامي احم احم
>>>>>>>> يالله يا شباب كل واحد يفتح اذوونه خخخخخخخخخخخخخخخخخخخخخ
اهم شي الطيبه والاخلاق او خفة الدم والرومنسيه واكيد الوسامه مابي واحد كل ما شفته اسمي بالرحمن خخخخخخخخخخخخخخ
>>>>>> اشدعوة جني مو ادمي
4- مارأي حوراء في شخصية المشراني ((في المنتدى))..؟
اخوووي لمشراني يعجبني خووفه او حرصه على المنتدى وان يحلم ايكون منتداناا اكبر منتدى بين المنتديات بس في رأي الشي الزايد عن حده ينقلب الى ضده يعني اشوي او بتصيبك يا اخي حاله نفسيه اسمها منتدى همس الحراير خفف اشوي >>>> اقول بدينا بالغيرة خخخخخخخخخخخ بس جد يعطيك الف عافيه على ها الاهتمام او بنسبة الى شخصيتك انا احس ا ن تفكيرك اكبر من سنك وهذا شي حلوووو بس لو اتخفف من العصبيه جزاك الخير
>>>>>>>>> خايفه على عمرهاااااااا خخخخخخخخخخخخخخخخ
مشكوووور مرة ثانيه على الاسئلة الحلوووة او انتظر رجعتك لا طول علينااااااااااا
تقبل خالص امتناني
عمروس عضو جديد
عدد الرسائل : 42 تاريخ التسجيل : 05/08/2008
موضوع: رد: ^%^حوراء على كرسي الاعتراف^&^ الأربعاء أغسطس 20, 2008 9:30 pm
اهلين
عندي اشويه اسئله حاب ان اطرحهم عليكي ممكن؟
ما هي نظرتك للحياة .. واقع ولا خيال .. تفاؤل ولا تشاؤم .. ؟؟
في حياة كل شخص شي مجهول >> ما هو مجهول حوراء ؟؟
ايام الطفوله انتهت حقيقتها وبقى خيالها
متى تتذكر طفولتك ومتى تسأل نفسك عنها؟
يلا وااجد عليج مع تحياتي\\ عمروس
زائر زائر
موضوع: رد: ^%^حوراء على كرسي الاعتراف^&^ الخميس أغسطس 21, 2008 9:41 pm
اكيييييييييييييد ممكن خد راحتك خيوو البيت بيتك >>>>>>>> تبي قهووة شااي كل شي متوفر بس لا تنسى كل شي على لحساب خخخخخخخخخخخخ
ما هي نظرتك للحياة .. واقع ولا خيال .. تفاؤل ولا تشاؤم .. ؟؟
انا نظرتي واقعية 100% بس الخيال جزء من الحلم اشياء اكثير ما تقدر توصل اليها عن طريق الواقع فتختار الخيال عشان تحصل عليهاااا ولو لفترات بسيطه كأنوع من مؤاسات للنفس
وبنسبة للتفاؤل والتشاؤم
احيانا اتصيب الانسان تطورات في حياته اتحسسه ان يملك كل مافي الكون و تخليه يتمسك با الامل والحياة و يمكن في لحظه تتغير كل الموازين فتتحول نظرة التفاؤل والامل الى الى يئس و احباط عمر الحياة بنسبه لي ما تمشي على نسق واحد يوم تفاؤل ويوم تشاؤم
في حياة كل شخص شي مجهول >> ما هو مجهول حوراء ؟؟
المستقبل مازال مجهووول >>>>ينفع اسم فلم خخخخخخخ
للحين مو عارفه وين اتجاهي خلصت الدراسه او وقفت مكاني
ايام الطفوله انتهت حقيقتها وبقى خيالها
متى تتذكر طفولتك ومتى تسأل نفسك عنها؟
اتذكر طفولتي لما اشوف صوري وانا صغيره
>>>> الكشه قايمه والحاله حاله خخخخخخخخخخ
او اسئل نفسي عنهااا لمااا تتراكم مشاغل الحياة او متاعبها اتذكرها واتمنى لو ارجع الى العابي المنثوره حولي والى اقلامي و دفاتري المليانه شخابيط ياحلات دنيتي لما تكون اكبر همومي لعبتي
يلا وااجد عليج
لااااا والله مووو واجد علي يالله دور لك اسئله ايهبلو مثل هذول او تعال
>>>>>>>> لزقه خخخخخخخخخخ
الا يجي عند حوراء يتحمل
امزح معاااك خيووو حياك الله اذا بترجع او ما بترجع
تقبل خالص شكري
اختك ,, حوراء,,
صمت الليالي عـضو فــضي
عدد الرسائل : 2957 اللقب : تاريخ التسجيل : 25/06/2008
موضوع: رد: ^%^حوراء على كرسي الاعتراف^&^ الجمعة أغسطس 22, 2008 12:22 am
السلام عليكم بسم الله الرحمن الرحيم
نبدا في الا سئله * اذااصرتي مديرة المدرسه شنو السوي؟؟؟؟؟؟؟؟؟؟؟ * وش طموحك في الحياء؟؟؟؟؟؟؟؟؟؟ * اي عضو تعرفيه في المنتدى؟؟؟؟؟؟؟؟؟؟ * وش رايج بلمنتدى؟؟؟؟؟؟؟؟؟؟؟؟؟؟؟؟
زائر زائر
موضوع: رد: ^%^حوراء على كرسي الاعتراف^&^ الجمعة أغسطس 22, 2008 12:24 pm
انا في رأيي اي منصب سواء مدير00 مدرس 00حاكم 00قاضي او حتى موظف عادي يحتاج من صاحبه ضمير حي بحيث ان يعدل او ما يظلم لانه مافي شي ايضيع عند رب العالمين والكارثه ان كثير مايلتفتوووو الى هالشي
انااا لو اكون مديرة مدرسه
>>>>>>>> اتحاول تتخيل حالهااااا خخخخخخخخ
بحاول اشيل الحواجز اللي ممكن تنبني بين اي طالبه او مديرتها بحيث اني اكلمها واسولف معاها احل اي مشكله من غير عصبيه و بشكل ما يجرح الطالبه اللي قدامي حتى لو كانت غلطانه
>>>>>>>>> اقول الله يستر عليهم مساكين منج
وش طموحك في الحياء؟؟؟؟؟؟؟؟؟؟
طموحي اني اكمل دراستي في التخصص اللي ودي فيه او اكون لي احلى اسرة طبعا
اي عضو تعرفيه في المنتدى؟؟؟؟؟؟؟؟؟؟
اووووووووووووووووووه اكثير اعضاء اعرفهم بالمنتدى
اعرف هديل او ملاك او روميو او رغد او لمشراني او المسموم او ورد وياسمين او دمعة الم او نجلاء >>>>>> خايفة تنسى احد000 او كسار الجماجم اللي بس اسمه في المنتدى خخخخخخخخخخخ او عاشق الزهراء او سر الوجود يالله واجد عليك هههههههههههههههههههه
وش رايج بلمنتدى؟؟؟؟؟؟؟؟؟؟؟؟؟؟؟؟
مافي احلى من المنتدى دام احلى اعضاء موجودين فيه بس مشكلته ان يصحى فترة وينام فترات اتمنى لوووويتحرك اكثر يعني معظم المواضيع اللي فيه اتلاقي رادين ثلاثه بالكثيره مره 6 يعني قليلة الردود لو اتقارنت بالمنتديات الثانيه او غير الاعضاء اللي مسجلين في المنتدى او مايجي ربعهم اللي مشاركين بس ان شاء الله الايام الجايه انلاقي تفاعل اكثر
تسلمي لي حبيبتي صمت الليالي على الاسئله الحلوة مثلك اتمنى ما تكون اخر اسئله لك معي
موضوع: رد: ^%^حوراء على كرسي الاعتراف^&^ 
الإثنين أغسطس 18, 2008 10:32 pm
>>>>>>حلوووووووة نبدة تاريخيه اقول لا تصدقي حااالج خخخخخخخخخخخخخخخخخخ
تستعد للفلسفه خخخخخخخخخخ
ياحبي لهاااا فديتهاااا 
